Khwaab ki Tabeer
Q: Mujhe apni khwab ki tabeer maloom karni hai. Meri ammi jaan ka recently intiqal hua hai aur main har namaz main Allah se dua kar rahi thi ke mujhe Allah talah khwab ke zarye bata de ke meri ammi jaan theekh hain aur sakoon main hain. Kuch dino ke baad mujhe khwab main ammi nazar aain fajar se pahle yeh khwab aai hai aur khwab upper tale do daikhin maine. khwab kuch youn tha: Main aur meri puri family ek jaga pe jama hain aur ammi jaan ek thori unchi chair pe bethi hain aur mere sab ghar wale zameen pe unki taraf rukh kar ke bethe hain aur mere abbu aur mere ek bahnoi (ji dono hayaat hain)unke left side pe khare hain, aur main unke samne khari hoon aur unse kah rahi hoon ke ke wo kahan chali gai thin ham sab unko bohat yaad karte the aur unse laad kar rahi hoon aur ammii jaan bas muskura ke mujhe daikhe jarahi hain phir unho main mere right hand main mannat ki pahni hui chori ko pakara aur muskurane lagin. uske baad dosri khwab maine yeh daikhi ke ammi jaan kisi hospital ke room maim leti hui hain aur main aur meri chotti sister ammi ke paas jate hain aur ammi ko takleef main daikhte hain unke pure jism pe aur chehre pe zakham horahe hain aur wo mujhe chadar utaar ke kahti hain ke mujhe in main bohat takleef ho rahi hai aur main unse kahti hoon ke yeh aapko medicine ke side effects se horaha hai amma... phir khwab khatam hojati hai.
main kafi pareshan hoon unko takleef main daikh ke plz agar ho sake to meri khwab ki tabeer bata dain ke unko koi takleef to nahi hai Allah ke ghar? Main kafi pareshan thi aur Allah se unki magfirat ki dua kar rahi thi ke Allah me mujhe ek aur khwab main yeh dikhaya ke main aur meri teen aur sisters ek gool table ki chaar chairs pe bethe hain hamare seedhi taraf ek bara sa glaas hai jiske dosri taraf ham daikh sakte hain aur dosri taraf ham ne kya daikha ke ammi ki qabar hai uspe maine gulaab ki kaliyan lagai hui hain kuch dair main wo gulab ki kalyan phool banke ammi ki qabar pe ujhalne lage jaise ke ammi ki qabar ki mitti ko baraber kar rahe hain ham yeh daikh ke hairan hue aur qareeb jake khare hogai to kya daikhte hain ammi qabar main se nazar aarahi hain per unke upper mitti hai aur unke right side pe meri bari sister khari hain ek dam se barish hoti hai aur meri ammi meri muskurati hain aur meri bari sister se kahti hain ke mujhe sardi lag rahi hai per wo bohat khush nazar aarahi hain... phir khwab khatam hojati hai. Maloom nahi in khwab ki kya tabeer ho sakti hai please agar aap jante hain to meri madad karain isko samjhne main.
A: Aaap ki aakiri khwab se ma'loom hota he ke aap ki waalidah qabar me achi haalat me he. Lekin aap unki taraf se Allah Ta'ala se istighfaar maangte rahe owr kuch parh kar Qur'an me se ya sadqah de de owr Qur'an parhne ka sawaab owr sadaqah ka sawaab apni waalidah ke lia phonchaw.
And Allah Ta'ala knows best.
Answered by:
Checked & Approved:
