Khwaab ki ta'beer
Q: Mein kaafi arsay say ajeeb kisam ke khawab daikh rai hoon. Kaafi saal pehlay bi ajeeb khawab atay thay to meine kisi say maloom karwaya tha aur unay nay wazifa diya tha mujay khawabi bandish ka.aur uskay bad mei theek ho gai thi..phir aik do saloon say mujay bohat ajeeb aur darownay kisam k khawab atay hain. Khawab sai tarah say yaad nai rehtay lekin zada tar kisi safaid billi ko khawab mei daikhti hoon jo aksar mujay tang ya larnay mei hoti hai, kabi daikhti hoon k mei tyaar howi hoon aur achi b lag rai hooon magr meray chehray per bohat danay hai ya kabi unkay nishan hain (haqiqat mei bi meray chehray per danay aur unkay nishan hain), kabi daikhti hoon k mei bilkul theek hoon likin meray dant kharab hain yani agaay pechay hain, (meray bachpan mei dant agay pechay hotay thay magr ab dentist k visit say theek ho gae hain Allhumdolillah) lekin phir b aksar khawab mei daikhti hoon k meri dantoon ki wire toot gai hai ya dant bohat kharab hain aur khawab mei, mein tension mei hoti hoon k ab dentist mujay dantay ga, kabi khawab mei tyar hona chati hoon lekin tyar nai ho pati time per. Isi kisam ke ajeeb wo gareeb kisam ke khawab atay hain. khawab mei bi, mei kisi na kisi cheez ki tension mei hoti hoon kabi khud ko time per na tyar karnay ki, kabi dantoon ki, kabi bili ya kisi janwar say khud ko bachanay ki. Esay khawab ki wajah say aksar meri ankh khul jati hai aur pereshan ho jati hoon aur jab dobara soti hoon phir wohi sisla shuroo ho jata hai. Kindly meri help karein. Agar khuda na khasta kisi kisam ki bandish ya rukawat ka masla hai to is silsaly mei mujay koi wazifa pata dein.
A: Aap fikar ne kare. Paanch waqt ki namaaz apne Saheeh waqt par parhne ka ihtimaam kya kare owr tamaam na mahram mardo owr larko ke saat purda ka ihtimaam kare. Allah Ta'ala tamaam mushkilaat door karenge owr aasaani paida farmaenge.
And Allah Ta'ala (الله تعالى) knows best.
Answered by:
