Khwaab ki Ta'beer

Q: Main aik larke ko pasand karti hun or us se aik dafa baat bhi kar chuki hun shadi bhi karna chahti hun. Usne mujhe bataya ke usne khwab mein dekha ke wo meri Ami k sath betha Hass rha hai. Maine takreeban ayk mahinay se istekhara kar rai hun lekin us se raabtay mein nai hun or mera dil shuru se hi mutmaeen hai. Maine 4 khwab dekhe hain:

1. Bohot khoonsurat barish ho rahi hoti hai or main wiper leti hun or Jo pani ​jama hota hai usko saaf karti hun or mere hath aik larka hota hai or hum dono ​bht khush hotay hain (us larkay ka chehra nhi dekha or mujhe ye bhi confirm ​nhi k ye wohi larka hai jisko main pasand karti hun ya nai) or is khwab ko ​dekhne k baad se pata nai main bht acha mehsoos karti hun.
2. Mere ghar pe 3 larkay atay hain rishta le k or barish hoti hai to utnay ​mein 4th larka Ata hai safaid shirt mein hum dono stairs se aa rahay hotay ​hain to main usko kehti hun k mere 3 or rishtay bhi aye hain to wo ronay ​lagta hai lehta hai k main tumse shadi karna chahta hun itne mein meri Ami ATI hain or kehti hain k tum pehle ao to sahi phir dekhte hain hum to wo mere ​sath uppar anay lagta hai to hum peechay dekhte hain to meri Ami road pe ​khari hoti hain or barish ki wajah se neechay ki stairs pighal k keechar si lagnay lagti hain lkn hum dono sufaid achi or theek stairs pe kharay hue bas ​dekh rhe hotay hain Ami ko...
3. Maine apnay bhai ko khwab mein bina kapron k dekha meri Ami or bari behn ​bhi the us khwab mein mera bhai bina kapron k khara hota hai or meri Ami uske ​samne khari hoti hain or main ja k usko dekhti hun or jab wapis ATI hun tomeri behn peechay khari hoti hai main usko kehti hun k bhai be kapre nhi pehne or hasti hun us pe.
4. khwab shuru se to yaad nhi aa rha jahan se yaad hai wahan se bata rahi hun Maine dekha k main kitchen mein kuch bana rahi hun or mera doosra bhai mere sath khara hai or kitchen mein andhera hai par kitchen ka darwaza khula hai or main kuch cheeni ya shayad cheeni jaisa daalti hun to thora sa neechay gir jata hai or baki Jo main banati hun usmein dal jata hai mere bhai ko kuch yaad Ata hai to wo kitchen se bahir chala jata hai or darwaza band kar deta hai lkn main darti nhi khari rehti hun (mere is bhai ko adat hai isi tarha se tang karne ki light off kar k mere peechay darwaza band karne ki or main dar bhi jati hun lkn ye sirf mazak main hota hai) lkn main khwab mein nhi Dari

A: Nikaah ke maamla main, larki ko chaahiye ke maa baap ke mashwara per chale. Khud aapna nikaah ne parhaae. Larke se baat karna shaadi se pehle gunaah hai. Is gunaah se taubah kare aur larke se baat karna chor de.

And Allah Ta'ala (الله تعالى) knows best.

Answered by:

Mufti Zakaria Makada