Urdu Questions

Q: Meri ammi ne ye khwab kuch din pahly dekha tha. Unhy kabhi bhi khawab yaad nahi rehty. Phir ye unhy yaad reh gaya. Ami ne dekha ke teen burqa posh ortain jinho ny apny cheray bhi niqaab se dhaky hoy thy ami ke paas aain or ami se galy milien or ayk ne apny chehray se naqaab uthaya (wo hamari bari momani thi jin sy hamara milna julna nahi hai) baaki do ne niqaab nahi uthaya. Un ke hathoon mai bary bary thely thy jin mai sy ayk thely ko ulat kar momani ny ami se kaha ke dekho hum tumhary liy dolat laey hain. Jab ke un thelo mai tasbeh bahri hoi thi. Ami ne unhy dekh ke socha ke ye to dolat nahi tasbeh hai or tasbeeh ke dany hain. Is kwaab ki tabeer kia hogi? Kis taraf ishara hai?

Q: Mai aik khwaab ki tabeer poochna chahta hoon. Mai nai khawab mey dekha kai raat ka waqt hai aur andhera hai aur mai aik road par ja raha hoo aur mai dar raha hoon aur phir aik do bazurg log jinoh ney safaid kaprey pehney huwey hai aur safaid dari bhi hai woh bhi waha atey hey aur mujey rasta batatey hai. Phir mai aik larko key hostel mai pohanch jata hoo jaha lights lagi hoi hai aur roshni hey aur waha lift harab hai aur mai seeriyo key rastey pehli manzil par jata hoo to waha canteen hai aur waha garam rotiya aur sandwiches ban rahey hey aur mai waha sandwiches ka order daita hoo aur baith jata hoon. Please is ki tabeer bata dai.

Q: Me ne ek meat factory me apna hi gosht tanga dekha he jis me kuch kale kale reshey se latke hue he. Aur mera dost jo mere sath me khada hae mujhe samjha raha hae ki yeh tumhre jism me bemari thi.

Q: Darasal mufti sahab hume do khwaab ki tabeer janni thi. Ek jisme hmne dekhaa ke hamare dushman hamare ghar me hamare bed pe so rahe aur ek jisme hamne dekhaa ke taazi khoob sari aur medium size ki fresh fish hame washroom ki khutti me dikhayi diyaa. Please apse request he iski tabeer batayen.

Q: Khwaab main do baar main ne kheer dekhi hain.

Q: Agar bar bar mazi zara ci bhi baat karne ya zara sa bhi khiyaal aane par aaye to kiya karna chahia? Agar is baat se chutkara pana mumkin nahi hoparaha ho to kiya karen, baraayemeherbaani rehbari farmaye.

Q: Mere ammi ne khwaab aya tha ke ek bhains ya bail (black colour) unhen dara raha hai aur wo use dekh ke dargaein aur janhan jarahi thi wanhan se laut gai. Pls is bhainsae ka kya matlab hai ye bataein.

Q: mujhe apse mere khwaab ki taabeer pata karni he. Do din pehle mene ek khwab dekha ke humari family or me bedroom me bethe hue hai or na jane kaha se ek cat hamare roo me agyi or me dar rahi hu or mene apne chote bhai se kaha ise bhaga do usne kaha choro mene kaha nhi bhaga do ose phr wo usay kisi cheez se touch kar raha hai k wo bhaag jaye mgr wo tas se mas na ho phr usne koi cheez phenki uspr to wo us cheez k kareeb ayi or usay pakr k wahi beth gayi or wahi blanket para tha or wo use orh kar so gayi phr jab me so kr uthi to me apne bhai se kahti hu arey ye cat to yahi he mager jab dekha to wo cat mar gayi thi or me apne bhai se kah rahi hu ise bahar nikal do magar usne kaha abhi nikal denge choro. Ab iske baad muje yad nahi ke mai neend se ith gayi ya khwab or b tha magr apki meherbani hogi jtni jaldi ho sake mje jawab dijiye apki meherbani ho gi.

Q: Maine khwab mai lunar eclipse (chand grehair) dekha he or mai lunar eclipse dekh kar bol rahi hu ke Allah paak Naraz he or fir istighfaar par rahi hu. Mai ye phuchna chahti hu ke lunar eclipse dekhne se kya muraad he?

Q: Mai ney khawab mai dekha key mere walid sahib jin ka kuch din pehley intikaal ho gaiya tha. Wo gadah (Donkey) gari chala rahey hey aur mai us gadah gari par bari araam sey barey mazey sey, sakoon sey laita huwa hooon. Aur phir yeh gadah gari hamarey ghar tak aati hey aur yeh gadah phir humarey ghar hi rehta hey. Mufti Sahib, please is ki tabeer bataiye. Meher Bani Hogi.