Wudhu

Q:

1. Agar kapron par wadhu kartay huwe wudhu ka tapkta qatre gir jaye to in hi kapron ke sath namaz parh len?

2. Agar aakhri rakat me wudhu tootnay wala ho to kiya tashhud ke bad koi chota durood parh ke salaam phair sakty he ya darood-e-Ibrahim hi parhna ho ga?

3. Agar ghalti se qiyaam me dono hath uth jayen to kia namaz toot jati he?

4. Agar sabar kartay kartay hansi nikal aye namaz toot jati he?

5. Agar dard ya kisi waja se ah oh wagher nikal jaye to bhi namaz toot jati he?

Q:

1. Wudhu tootny ki ayk waja reeh ka khaarig hona he lekin mera ayk masla he ke thori thori gher mahsoosana si reeh guzarti mahsoos hoti wudhu ke doraan bhi namaaz ke doraan bhi or in ke ilaawa bhi me ye farq nahi kar paati ke reeh kharij hui he ya wasy hi guzri he uthte bethte bhi esa hota kabhi to dobara wudhu kar leti hun lekin phir esa hi hota he kabhi me nahi karti kyun ke muje yaqeen nahi hota ke reeh ya hawa jism se hi kharij huwi he jab yaqeen nahi hota reeh ya hawa ke khaarij honay ka me dobaara wudhu nahi karti or namaaz parh leti hun lekin pareshaan rehti hun ke pta nahi ye saheeh he ke nahi me bohat tention me hun. Baraaye meherbaani rehnumaai farmaye?

2. Me ne islaami behno ki namaaz madani channel waalo ki kitaab me parha he ke awrat ke agay ke maqaam se jo rutoobat be-aamezish khoon nikalti he wo paak hoti he mere ayk safed maadda niklta he muje ye nahi pata ke wo yahi he ya koi or maadda he mujhe raasta dikaaye? Mani me aur is me kese farq kar saktay he agar wazan uthaane se safed rutoobat nikle to kiya wo yahi rutoobat he jo paak he mani kiyun ke mani bhi wazan uthany se niklti he aur wo rutoobat bhi? Aur kabhi kabhi urethra ke paas tari se masoos hoti he geelapan nahi wo bhi yaqeeni tor par nahi to kiya esy namaz parh saktay he?

Q: Mera sawaal ye he ke sardi ke dino me jild rookhi hone ki wajeh se hum hath, peyr ya chehre par lotion ya cream ya teyl lagate he. Kya isse wudhu nahi hota? Agar wudhu ho jata he to kya is se cream ya teyl ki chiknaahat ya smoothness ko dho-dho kar bilkul khatm karna hoga ya jild ko bilkul rough karna hoga? Ya sirf pani ko chehre ya haath par malne ya ek baar dhone hi se wudhu ki adaaigi ho jayegi. Kya chiknahat ko bilkul khatam karna zuroori he?

Q: Me ayk mazoor hu. Muje peshaab ke qataraat hamesha tapak te rehte he. Mera sawaal ye he ke jab me istinjaa karne ke baad qatro ko paani se dhowta hun aur usse tissue se saaf karleta hun, lekin meri bimaari ki wajah se qatra hamesha nikalta rehta he aur istinja ke baad, usse paani se dhone ke baad bhi qatra fowran nikal aata he, to aap muje bataye ke me istinjaa karne ke baad unhe dhone ke baad keyse saaf karu?

Q: Mera masla ye he ke mera nikaah ho gaya. Magar me fil haal mulk se baher hu or me jub apni mangeter se baat kar ta hu to mazi nikal ti he. Kya is se namaaz ho jati he ya ghusal karna laazmi he?

Q: Mera sawaal ye he ke wudhu karty howe ulty hath par masah karna hadith se sabit hai ya nahi agr aisi koi hadith hai to hawaala zoroor de jawab me meherbaani hogi.

Q: Agar namaaz parne ke bad pata lag jaye ke thora sa mazi nikli he kya qaza parna zaroori he?

Q: Kya bohot ziyaada mazi khaarij hone se ghusal hota hai?

Q: Muje aap se poochna tha ke wudhu kartey waqt kya tap (nul) ke khuley pani ke neechey paaon rakh deney se wudhu ho jay ga ya laazmi pairon ko haath se dhona bhi maqsood he?

Q: Hum kal campfire ke lia thar (registaan) ja rahy he wahan pani nahi hoga to me namaz ka wuzu kesy karon ga tayammum karna pare ga? Owr sawal ye hai ke pakhana kharij kar ke maqad ki jaga ko kese saaf kya jaye ta ke namaaz aada ho sake owr hawa khaarij ho jae to kese paak hona hai? Barayemeherbaani tafseel me bataye. Sukriyah aur aaj hi bata dein qe kal hame jaana hai.