Urdu Questions

Q: Chaasht ki namaaz kitne baje pari jaati he? Din bhar me makroo waqt kab se kab tak hota he? Fajar se kitne minute pehle tahajjud ka waqt khatam hota he?

Q:

1) Kiya ek aurat apne talaq shuda soher ke saat dosti rakh sakthi hai ya baat chit kar sakthey hai.

2) Kiya talaq k baat dono ek dusrey k liye mehram hai ya na mehram.

3) Ek aurat apne soher k bagair ijazat koi gair mehram se baat kar sakthi hai.

4) Ek talaq shuda aurat apne talaq shuda soher sey akela me mulaquat kar sakthi hai. Ya akelay ya apni behan k sath ja kar mulaqat kar sakthi hai. Yeh jayez hai ya haram hai.

5) Ager vo admi se koi aulad hai or vo apni aulad ko kuch madad karna chaheta hai to kiya aurat jab k vo kisi or k nikah mai hai apne pehlay marad se akelay mai mulaqat kar sakthi hai. Yah aurat ka farz hai ki vo apne mojuda sohar ko or uske bhai ya baap ko vakil bana ke beach mey rakh kar maumla kare.

6) Kiya yeh koi mard ko gawara ho ga ke uski biwi apne pehlay mard ko apney ghar ya apni behan k ghar bula kar sirf aurtey baat kare.

7) Jab ke talaq k baad vo aap ka mehram nahi hai kiya vo aurat uske saath mauj masti ya sair sapate k liye ja sakthi hai. Is rishte ko islam mey kiya halal keha gaiya ya haram.

8) Ek aurat jo k apney teesri husband ke saat zindagi guzar rahi hai. Kiya vo apney pehlay sohar se financial madad talab kar sakthi hai ya pehla sohar usko dena chaiye to kiya yeh aurat ley sakthi hai jub k uske mujada sohar ko ateraz hai. Or pehlay sohar se ko Aulad nahi hai.

9) Kiya aurat apney teesri husband k hote hue apney passport par pehlay sohar k naam se renewal kar sakthi ya nahi. Renewal ke form par signature karna padta hai accept karna pada hai ke aap is admi ki biwi hai. Yeh karne se mojada sohar par kiya asar padega. Is ki sharai hasiyat bataiye. Banda aap ke jawab ka muntazir hai.

Q: Kya fine arts sikhna gunah hai? Ye saat saal ka course hota isme human, animal, scenary sabhi ka photo banaya jata hai kya ye sikhna gunah hai?

Q: Muje kuch aisay kaam bata dein jo mein karun to muje kafi period tak ya meray marnay ke baad bhe ajar milta rahe jin ka I will be very thankful to You.

Q: Me ye janna chahta hu ke aksar har waqt ghusal khaane ke jis jagah par napaak kapra rakh kar nichora jata he wo jagah kya napaak ho jati hai? Agar wo jagah napaak ho jati he, to kapre bhi to napaak rahenge na, toh os jagah par kapre ko nichor kar phir baalti me daalkar dhona parega kya? Agar baalti me paani lekar, balti ke undar kapre ko daal deta hu, tabhi baalti ka undar ka paani kya napaak hojayega? Agar baalti ka undar ka paani napaak ho jata he to kapre bhi to napaak rahenge na? Our aapke pass kapre ko dhone ka asaan sa koi tariqa he to zuroor batana, kyun ke muje kapre paak karne ke har waqt bohot shak hota hai, yahi ke kapre ko pak kar paye ya nahi. Our is wajah se aksar me bohot preshaan rehta hu, to aap muje meherbaani karke koi hal bata dijiye taake meri pareshaani door ho.

Q: Muje ye jaana he ke agar kisi ne napaak baalti ko paak karne se phele, os baalti se ghusal kar leta hai, toh oska jism napaak hojayega na? To oska jism ko paak karne ke lia, balti ko paak karke osme pani lekar jism ke poore hisse par ek bar dal dene se jism ka sara hissa kya pak hojayega?

Q: Muje 2,3 din se har roz khawab me hamara purana House nazar ata he jo hum ne rent par dia howa he. Aur is tarah ke jaisay hum abi ussi ghr me rehtay hain. Hum ko dowsre house me shift hovay paanch saal ho gaey hain. kindly iss ki koi tabeer he jo muje bar bar wo ghar nazzar ata he khwab me?

Q: Mera aap say sawal ye hai ke insan ko kaisay pata chaly ga ke Allah nay us ke gunnah maaf kar diye hain waisay to main har namaz ke bad apny gunnahon ki mafi mangta hon. Or second ye ke main kafi time say job search kar raha hon lakin koi response arha hai so please us ke baray main bhi batain.

Q: Main ne 6 saal pehle ayk khwab dekha tha muje plz us ki tabeer bta dejiye. Main Raat ke waqt ghar ki chat pe hoon dekhta hoon ke achanak asmaan pe Qurani Ayaat ki tehreer zahir hoti hai jo apni teen lines wale border main mojood hai aur sab noori hain, lakin wo muje dikh nahi rahi phir wo mere zyada qareeb aati hain ke main parh sakoon thora ghor krne se muje teeno maloom ho jati hain phir dekhta hoon ke shimaal ki tarf se ayk gift wala box ooper se meri tarf aa raha hai aur chat pe thehr jata hai main thora dar ke neeche chalay jata hoon. Phir main ooper ja ke dekhta hoon ke kya aaya hai to ooper wali last seeri pe ik purriya milti hai. Main use kholta hoon to us main kuch yellow colour ka powder sa hai jo mere hathon pe hood he ulat jata hai jis se mere hath jal jate hain aur us se muje boht takleef hoti hai aur us se main boht sust aur nadhaal sa ho jata hoon phir muje yaad ata hai ke muje wo Ayaat mili thi to main wo parhta hoon. First Allah ka naam parhta hoon to mera dimaagh theek ho jata hai. Second aayt parhta hoon to neeche ka jism theek ho jata hai phir main kehta hoon ke main jitna zyada vird karoon ga uta zyada theek ho jaoon ga, is ke baad main dekhta hoon ke shimaal ki tarf se neeche zameen se chaar chand ooper asmaan pe aa ke ruk jate hain aur in ke darmiyaan thora thora fasla hai jin main 2 straight aur 2 thora kham khaye huwe hain jaisa ke koi aadmi kisi ko jhuk ke adaab karta hai aur ye chand roshan nahi hain balke bujhe bujhe hain peelahat wale, main in ko dekh kar soch raha hoon ye kya hain to is ke bad meri aankh khul jati hai aur jab aankh khulti hai to main wohi ayaat ka wird kar raha hota hoon. Please mere is khawab ki tabeer bata dein.

Q: Mufti sahab meri ammi ne kuch din pehle ek khwaab dekha jisme unhone apni ammi yani meri naani ko dekha jinka bht saal pehle intikal ho gya h wo aur unke sath meri ammi ki ustaani ji (jinse unhone quran seekha he aur wo bhi ab bht saal pehle intikaal kr chuki h) wo dono (yani meri nani aur meri ammi ki ustaani) meri ammi ke khwab me sath me aayi aur unhone meri ammi se kha ki chlo hum tmhe lene aye h to meri ammi ne unse mana krke kaha ki nhi abhi mere upar bht zimmedariyan h, mere do bachche h hum abhi nhi 15 saal bad chlengy jisko sunkr wo chli gyi). Itna hi khwab he jo meri ammi ko mu zabaani yad he. Agar iski tabeer aap bta de to aapki bhot meherbaani hogi. Allah ta'ala aapko iska ajr de.